Mga ospital sa Sta. Rosa, puno na rin

Mga ospital sa Sta. Rosa, puno na rin

Ni Cyrill Quilo

LAGUNA – Wala nang pwede pang paglagakan ng pasyenteng tinamaan ng nakamamatay na COVID-19 sa lungsod ng Sta. Rosa, kung saan puno na ang lahat ng mga pagamutan.

Sa isang pahayag, sinabi ni Mayor Arlene Arcillas na bukod sa puno na ang kanilang mga pasilidad, kulang na kulang na rin sila sa mga medical professionals dahil maging ang mga taong dapat sana’y kumakalinga sa mga may karamdaman ay pasyente na rin.

Pag-amin ng alkalde, dalawang linggo nang hindi tumatanggap ng mga pasyente ang mga ospital sa kanilang lokalidad.

“Maraming nagpa-positive na doctors at nurses kaya kulang ng tao.” Gayunpaman, inilagay na lamang pansamantala sa homecare ang mga pasyenteng naghihintay na makapasok sa ospital lalo na yaong mga mild cases lamang.

Pinaigting na rin aniya ng kanilang ng pamahalaang lungsod at Laguna Technopark Association Inc. ang pagbibigay ng bakuna sa mga manggagawa sa loob ng mga industrial complex ng lungsod.

Bagama’t may nakalaang bakuna para sa lungsod, nanawagan pa rin si Arcillas para sa karagdagang suplay.

Leave a Comment

Your email address will not be published.

ABOUT US

Welcome to Metro Sun, an online news website where stories inspire community engagement and digitally fuelled actions for economic change in the Philippines or any associated countries based on current events.

AFFILIATE DISCLOSURE

Some links on this page are affiliate links in which we earn a commission from sales of items we recommend at no extra cost to you. And as an Amazon Associate, we also earn from qualifying purchases linking to any of their websites. Please read our Disclaimer linked below.

Scroll to Top